今日又好累....

今日起左身之後個人都仲好累，隔一陣又走左去訓，全日都斷斷續續咁訓，打打下nds又走去訓，上上下網又走去訓.....本身打算同個朋友出去睇戲，因為我想睇爆粗Band友，但係恰下恰下個人冇咩狀態，所以都係唔出去，改左聽日先去睇～～～～

其實聽日睇都唔錯，我又可以帶埋呢位朋友返下我地既教會，講起上黎....我係呢間教會其實只係帶過好少新朋友返去，希望呢位朋友唔會覺得悶啦，但晚堂其實都OK既，個零鐘唔會太長～～～丫～～之後又約左娜姐一齊食飯～～～跟住就直接上大陸dup下骨～～～～～

嗯～～其實都想上去dup骨好耐啦～～～因為呢排真係好累，啲肩啲頸個啲係超累，不過咁耐冇去唔知有冇貴左好多呢，但真係好累好想去玩下同鬆下....咁啱我呢位朋友星期一返夜，咁可以一齊去，訓醒之後又可以飲下茶行下，返香港我就可以返埋小組，咁我朋友就可以返工～個行程係咪安排得好好呢～～ (我自己讚自己)，完左十四號真係要休息一下～～～～

今日打左一陣太空戰士四，不過覺得呢隻格鬥模式唔係好熟控制，初初要諗點按咁用左好多時間，特別係用啲魔法個陣，按得慢好易俾人係咁打，不過打多幾round就好好多啦～～丫～～講起隻game，每逢啱啱開機玩win左啲怪獸個陣既音樂，都令我諗起其他太空戰士既系列～～其實我以前都有玩過下，但係我係次次都玩唔爆機，因為佢日文我唔知佢講乜就冇咩心機玩，宜家有漢化版就好好多，起碼知自己做緊啲乜野先～～講起太空戰士，其實呢隻game咁出名又咁多人玩，我到宜家都未識分佢邊一集打邊一集～～好白痴～～

講起呢一種rpg game，其實我幾想玩撒爾達傳說，以前我一二三都有玩，二同三都爆左機，係一冇爆機，因為我又係唔知佢講乜野，之後唔知點做....希望遲啲見到佢又有漢化，咁我係nds又可以玩啦～～～～

我見到greebox好似多左好多新歌，有啲想去唱下K～～～